43
'Oo Kea, ɛ 'wlʋ 'ʋn o. Ɛ ‑fɔn 'ma ‑gba 'de nyʋ ‑ʋʋa' 'wɔɔn a ɛɛ' ‑tɩ' "juɛi.Ɛ ‑seie 'ʋn 'de 'diwɔnyniʋn ‑ʋʋa bla nyʋ ‑pa "kpei ‑nʋ 'kwa.
2 Ɛmɛ 'ma Kea ‑ɛɛ ‑cria" 'ʋn sʋn "kpei ɛ,
dɛɛ ‑tɩ ɛɛ ‑fuun 'ʋn nyaa‑?
Dɛɛ ‑tɩ 'ma tʋnyʋ 'je 'ʋn kpɛn" bla
'de 'ɩn 'je na 'de "jrii "kaea' 'ʋn ‑ɛ?
3 Ɛ ja 'ʋn ɛɛ' ‑sɔn ke ɛɛ' tɔ' ‑tɩ ke
'de ɩ 'je 'ʋn ‑je o po,
ɩ 'je 'ma nabʋ "isrɛɛ‑, ɩ 'je 'ʋn 'de ɛɛ' ‑tein kpa
'de ɛɛ' crʋ ‑kweai "kpei.
4 'De 'ɩn 'je 'e 'ma Kea 'a 'sraa ‑saɩn' mu,
Kea ‑nɩa 'ma 'mʋʋa‑, ‑ɛ ‑nɩa 'ma ‑pɔia"
‑wɛe 'ɩn 'je ‑siplʋ bla 'ɩn 'jeɛ 'nynɩ ‑sa, 'oo Kea 'ma Kea.
5 'Ma ‑suu, Dɛɛtɩ ɛ ‑klɔn'
'de 'ɩn 'ʋn 'de ɛ pa 'kwɛ ‑ɛ?
Ɛ ‑te' Kea ‑kwlɩ", 'ma muɛ 'nynɩ ‑saa' ke 'wlɛ,
dɛ ‑nʋɛ, ɛmɛ ‑nɩ 'ma 'pʋʋi, ɛmɛ ‑nɩ 'ma Kea.